26 June, 2016

Frank body Scrub, Lip scrub and lip balm






السلام عليكم .. 

مقشر فرانك بودي جت فتره الناس هبت فيه وشفت تجارب كثيره معاه فجاء وقت اني اجربه بنفسي 


فرانك بودي شركه أستراليه تستخدم القهوه والمواد الطبيعيه 100٪ في مكونات منتجاتها 
وجميع منتجاتها داخل فيها القهوه 

شعارهم ان العنايه بالجلد شي بسيط من الطبيعه ومن زيوت او نباتات 
مالها داعي المعادلات الكيميائيه المعقده تساعد في العنايه بالبشره 








انا اخترت النوع الأصلي  original

مكون من منتجات طبيعيه بعيد عن المواد الضاره ومن أهم مكوناته :

- حبوب القهوه
تحتوي على كافيين عالي  تستهدف السيلوليت، و علامات تمدد الجلد ، الصدفية ، الدوالي ، والأكزيما ، حب الشباب.

- زيت اللوز 
الزيت يساعد على علاج وترطيب الجلد لأحتواءه على فيتامين D، A، E ويقلل من ظهور التصبغات.

- فيتامين
يحتوي على نسبه عاليه من المواد المضاده للأكسده.

- ملح البحر 
مطهر طبيعي يقلل من الإلتهابات والأمراض الجلديه و يزيل الجلد الميت .

ويحتوي بعد على سكر بني ورائحه برتقال خفيفه 




بعد ما قرينا المواصفات الخياليه هل هو فعلاً جيد ؟

بالنسبه لي انا كان استعمالي مره لمرتين بالشهر كنت غير منتظمه فيه صراحه 
كنت أحس بنعومه جمييله وترطيب عالي بعد الاستخدام ممكن يغنيك عن الترطيب بعد الشاور 
لكن كنت استخدم بعده شوي من زين جونسون لزياده الترطيب بما اني بكورس لعلاج البشره ف احتاج ترطيب عالي 

اما عن السيلوليت انا ما عندي كثير منها الحمدلله لكن أقدر اقول خفت بنسبه ٣٠٪ ممكن لو كنت منتظمه 
فيه اسبوعيا كان شفت نتائج افضل.


طريقه الاستخدام:

بللي جسمك بالمويه وبعدين خذي كميه بيدك وطبطبي فيها بشويش على جسمك 
خليها لمده ١٠ -١٥ دقيقه خذي جوالك معاك عشان ما تطفشين :)
واخر شي اغسليه بالمويه 


 من عيوبه يحوس المكان جداً يتناثر بكل مكان ف كوني حريصه مايطلع لبرى 







مقشر الشفايف والمرطب يجون سوا في بنفس الباكجينق


المقشر يمين و مرطب الشفايف يسار







مكونات المقشر الرئيسيه 

بذور البن المطحون و زيت بذور القهوة يحفز إنتاج الكولاجين
سكر خشن ، زيت المكاديميا و شمع العسل 

مقشر الشفايف ما عجبني مره حسيت تقشيره ضعيف ما يقشر الشفاه بشكل ملحوظ
تقشيره متوسط إلى عادي  فيه مقشرات افضل منه بكثير

هل أنصح فيه ؟ 

اذا شفايفك مافيها تشقوقات واضحه ينفع لك اما لو فيك تشقوقات بزياده لا لأنه زي ما قلت
تقشيره ضعيف 




مكونات مرطب الشفايف 

اللانولين ، قهوه عربيه (البن)، فيتامين E و زيت جوز الهند 



المرطب ثقييل يحتوي الشفاه ويرطبها من العمق ويدوم لفتره طويله هذا اهم شي عندي 
وغير كذا ريحته حلوه اعجبني وانصح فيه وبقوه 





و خليكم قريب 
Share:

No comments

Post a Comment

Blog Design Created by pipdig