21 July, 2016

GlamGlow supermud treatment mask and cleanser | الماسك والغسول المعالج من قلام قلو




 .. السلام عليكم 

بعرض لكم تجربتي من ماسك وغسول الطين المعالج من ماركه قلام قلو 

ماسك الطين من قلام قلو له أنواع كثيره بس ميزة GlamGlow supermud treatment انه معالج للبشره

 وينظف داخل المسام ويصغرها ، يشد ويعطي نظاره للبشره لكن ما يشيل الحبوب

نوع بشرتي دهنيه / مختلطه 




تجربتي مع الماسك : 

قوام الماسك سائل مايل للثقيل ريحته نعناع 

حطيت الماسك بعد تنظيف البشره  والتونر ، استخدم فرشه سيقما بالتوزيع F60

الفرشه للفاونديشين بس انا مخليتها للماسكات كويسه للتوزيع 

ركزت بالتوزيع في منطقه التي زون  والخشم وباقي الوجه بشكل خفيف ، يبتعد عن منطقه العين 

انتظرت لين ينشف غالبا من ١٠-٢٠ دقيقه .. و غسلته بمويه دافيه فقط 

من أول استعمال شفت نظاره متوسطه بوجهي  شال الدهون الزائده بالبشره 

حسيت بشرتي تتنفس فعلاً ، مع عده استعمالات لاحظ ان المسام صغرت عن قبل بشكل ملحوظ

حبيته وصار روتيني اسبوعي مره او مرتين اسبوعياً ، وانصح فيه قبل المناسبات ممتاز

عيبه الوحيد سعره غالي بالنسبه للكميه 



مكان الشراء : سيفورا 





بالنسبه للغسول اليومي شريته بعد الماسك بفتره 

اعجبني الماسك ف قلت اكيد هو زين بعد لانه من نفس التركيبه 


تجربتي مع الغسول :

مكتوب انه يجمع بين الطين والرغوه  بس انا ما شفت اي رغوه منه 

طريقه استعماله اسرع من الماسك بس توزعينه بيدك على الوجه بعدين تغسلينه بمويه دافيه 

حبيت انه يزيل الدهون بالبشره وبقايا المكياج و ينظف بعمق

وآخر شي بمويه بارده عشان يسكر المسام مو شرط بارده مره اهم شي تكون أبرد بدرجه او ثنتين من اللي قبل 



مكان الشراء : سيفورا 




بشكل عام مرره حبييت الماسك  اكثر من الباقي نتائجه توضح بسرعه

الغسول جيد لا بأس فيه ما شفت نتائج سريعه مثل الماسك

وطبعا ما ننسى الترطيب بعد الماسك والغسول مهم جدا





وبس خليكم قريب 

Share:

1 comment

  1. الماسك م يستاهل سعره ونشف قبل لا اخلص العلبه مع اني مقفلتها زين كنت ناويه عالغسول بس مدري ترددت 🚶🏽💔

    ReplyDelete

Blog Design Created by pipdig