01 August, 2016

مفضلاتي لشهر جولاي ♥ July favourite






السلام عليكم .. كيفكم بنات ان شاء الله الكل بخير 

هذي اول مره اسوي مفضلاتي للشهر 

شهر جولاي هو المنتصف لفصل الصيف و معروف الصيف عندنا كيف يكون 🔥

ف راح تكون معظم مفضلاتي للعنايه بالبشره لأن زي ما قلت ببوست سابق بشرتي دهنيه تحتاج عنايه أكثر 





راح ابداء من اليمين لليسار 




Natural sun eco  من  The face shop 


واقي الشمس من ذا فيس شوب SPF 40

ميزته انه بخاخ أستخدامه سهل مره مره  وفيه ميزه بعد اذا نسيت احط واقي شمس قبل المكياج 

يصير بس أرش منه على وجهي ما بيخرب المكياج ، انا عاجبني مره  اكثر من الكريم.



Eye make-up remover من Garnier


مزيل مكياج العين من غارنييه الجديد اثنين بواحد يحمي الرموش وكفاءة عاليه 

جربته مع ماسكرا ضد المويه و أزالها بسرعه وفعلا كان يحمي الرموش 

يعني غالباً اذا حطيت ماسكرا ضد المويه تطيح رمشه او رمشتين 

اللي حبيته فيه ان بسرعه يمسح الميكاج من مسحتين و حسيته تغلب على مزيل مكياج العين من سيفورا.



     
Benefit  من It’s potent eyes cream


شريت هذا المنتج من ماليزيا وكنت اجربه بشكل مو منتظم 

لكن مع السهر بالصيف صرت استخدمه مع روتيني اليومي بالصباح و بالليل 

هو مخصص لتحت العين وللهالات جميل ونتائجه تبان بسرعه خلال اسبوع شفت تغيير باللون 

طريقتي في استخدامه اخذ شوي منه واوزعه باصبع السبابه  وابداء اطبطب في منطقه تحت العين 

لين تتشربه البشره والباقي باصبعي امسح فيه الجفن بشكل خفيف

نصيحه بعديه عن العين لانه يحرق 



Frank body من Lip balm 

سبق وتكلمت عنه في بوست سابق للي حاب يشوفه 




The face shop من Almond amande


مرطب لليد بزيت الجوز من ذا فيس شوب 

ترطيب اليد مره مهم عندي فكنت أدور واحد يجلس لمده طويله باليد ولقيت هذا الجميل 

ينعم اليد جداً والحلو فيه زيت الجوز اعطى لأظافيري لمعه صحيه و خلاها أقوى




Benefit  من Goof proof brow pencil 

قلم الحواجب الجديد من بينفيت  

 سهل الرسم وتعبئه الحواجب بسبب شكله المعين (اتوقع انه معين ( 😅

ما كنت أفضل الاقلام للحواجب لكن هذا غير رأيي يعطي الحاجب شكل طبيعي جداً 




orange daily moisturizing cream 

الكريم المفضل عندي اكثر واحد احبه ودايم اشتريه  ما استغنى عنه بروتيني اليومي ، بتشوفونه بكل مفضلاتي P:

مهما جربت كريمات مرطبه يوميه للوجه لازم ارجع له 

بقولكم مميزاته بالنسبه لي اول شي مافيه عطور و رائحه عطريه وذا شي كويس  لان بشرتي تتحسس منها 

ثانياً بفيتامين سي ومعروف ان فيتامين سي يعطي نظاره للبشره وتنوير 

وترطيبه جدا جميل تتشربه البشره يعطي نعومه ويطول 

سعره غالي شوي بس يستاهل , موجود بكل الصيدليات  





Bath and body works من Sleep sommeil 

عطر للجسم يساعد على الاسترخاء بالنوم او قبل النوم ، ريحته لافيندير وفانيلا 

انا ما استخدمه للجسم ابخه على المخدات قبل ما انام بفتره لين تهدا ريحته 

يساعد اني انام بسرعه ريحته تريح اعصاب المخ وما استغني عنه 





Lush من Cup o’ coffee  

ماسك للوجه والجسم من لشّ منعش للبشره يحتوي على الكافيين و قشور القهوه 

قوامه ثقييل مره لكن بالتوزيع بالفرشه يخف ، اخليه ١٥-٢٠ دقيقه 

بأخر دقيقه أبل يدي بشوي مويه وابداء افرك وجهي بشكل دائري نسوي سكراب للبشره 

ونغسله بالمويه أخر شي .. يخفف من آثار الحبوب ، ينظف بعمق وينشط البشره 





وبس ان شاء الله اعجبتكم مفضلاتي لشهر جولاي 

لو جربتي شي من اللي ذكرته شاركيني تجربته بالكومينت او بالأنستجرام




وخليكم قريب 💕
Share:

1 comment

  1. حبيت مفضلاتك اكثر شي حبيته هو ماسك الوجه من لش و واقي الشمس من ذا فيس شوب 😍 😍

    ReplyDelete

Blog Design Created by pipdig