16 August, 2016

L.A. Girl PRO Concealer & Correctors | ال اي قيرل برو كونسيلر والكوريكتيرز





السلام عليكم .. 

كيفكم بنات ان شاء الله تكونون بخير 💕

بتكلم اليوم عن تجربتي لكونسيلير و الكوريكتيرز الشهيره من  L.A Girl Cosmetics








L.A. Girl Pro Concealer

الكونسيلر جودته عاليه جدا وتغطيته عاليه لمتوسطه على حسب الاستخدام 

يغطي الهالات السوداء و مشكلات البشره الخفيفه من تصبغ لغيرها لكن مو كل المشاكل يغطيها  

 ميزته أنه كريمي سهل الدمج لتحت العين من استخدامي له ابدا ما خطط معاي 

فقط اثبته بباودر ولا يتكتل معاي تحت العين  ينفع ليومي وللسهرات بعد 

انا حابته مره لسلاسه استخدامه ولتصميم شكل العبوه قابل للعصر 

يكفي لمده طويله مقارنه بحجمه والسعر مره كويسه 👍🏼

بس للأسف مو متواجد بالمتاجر فقط أونلاين سعره بحدود ال٣٠ ريال 

درجتي : Natural 




L.A Girl Pro Corrector: Orange


الكوريكتر البرتقالي مصحح للهالات قبل الكونسيلر 

تجربتي مع الكونسيلر خلتني اتحمس واشتري الكوريكتيرز لكن للأسف كانت تجربتي معاه سيئه 

قوامه سائل شوي أكثر ماهو كريمي نقطه منه حاست الدنيا 😅

اللون كان غامق علي وصبغ بالبيوتي بليندر 

جربت احط الكونسيلر فوقه لكن اللون ما تغطى كان واضح بطريقه مزعجه 

ابداً ما حبيته 


L.A Girl Pro Corrector : Green


الكوريكتر الأخصر مصحح لإحمرار البشره و أثار الحبوب 

اللون كان خفيف و بالدمج يختفي وما يغطي شي

بشكل عام ما حبيت الكوريكترز ما ناسبتي شخصياً 

هي تجي درجه وحده فقط لو متنوعه وكثره زي الكونسيلر ممكن يكون أفضل 




وبس هذي تجربتي معاه ان شاء استفدوا ولو بالقليل 

💕 وخليكم قريب 


Share:

No comments

Post a Comment

Blog Design Created by pipdig