12 November, 2016

My Favorite Winter Lipsticks from Mac | أرواجي المفضله للشتاء من ماك

 




 .. السلام عليكم


💜 من زمان عن التدوين اليوتيوب أخذ وقتي كله 
فقررت كل شهر أنزل تدوينه مختلفه بعيده عن اليوتيوب 

 تدوينه اليوم عن أرواجي المفضله للشتاء من ماك
طبعا من المعروف بالشتاء الالوان تصير أغمق بكل شي عشان تناسب مع الأجواء
وتعطي جمال للمكياج سواء كان خفيف او ثقيل 
أخترت لكم اكثر ٤ ألوان احبها 






Ruby Woo

اللون : احمر بارد بأندرتون أزرق ، بنهايه مطفيه -

رأيي فيه : بما اني من عشاق اللون الاحمر وعندي أغلب الدرجات -
 اشوف هذي الدرجه المناسبه بالضبط للشتاء وضوح اللون مره قوي
  يعطي احساس كلاسيكي فخم يناسب البشرات البارده ، ثباته عالي
. عشان نتيجه أفضل لازم ترطبين شفايفك قبل ما تحطينه




Twig

اللون : وردي يميل للبني ، ساتين -

رأيي فيه : طايحه فيه كثيير الايام هذي ، نهايته كريميه بس شوف انها تتجه لنهايه مطفيه شوي -
انا مو من عشاق الارواج النيود لكن هذا غير فيه لمحه وردي وهذا اللي محليه 
. يناسب للصباحات الشتاء ولكل يوم




Captive

اللون : بنفسجي على وردي غامق ، ساتين كريمي -

 رأيي فيه : واحد من أفضل ارواجي من ماك ، لونه يختلف حسب البشره انا يجي علي على إحمرار -
وضوح اللون قوي وبما انه ساتين فاراح يكون ثباته متوسط 
احب لو في الصباح اطبطب فيه على شفايفي يعطي لونه وردي طبيعي للشفاه 
. وحلو بعد بالليل ولأي وقت صراحه 





Rebel

اللون : بنفسجي غامق بأندرتون ازرق ، ساتين -

 رأيي فيه : هذا اللون شتوي بحت اول ما يقولون جاء الشتاء جهزي ال ريبيل حقك -
لونه بنفسجي قوي و واضح مافيه درجه احمرار او شي 
يختلف من بشره للثانيه ولما اقول يختلف يعني حسب الاندرتون تبعك
. بس يناسب لكل البشرات




!! بالنسبه للأسعار كنت شاريتهم ب٩٠ وشي اللحين وصلوا لفوق ال١٠٠ 
اشوف انها مبالغ فيها صراحه بأمريكا سعر الروج ٦٠ ريال وشي يعني حرام الاستغلال

😂 فا لو تقدرين تطلبين اون لاين افضل لك او اذا تعرفين احد برا ارسلي  له لسته مطوله 


وبس حبيت اني اشارككم بأرواجي للشتاء 
شاركوني انتم رأيكم واي لون حبيتوا 


 💜.. و مع السلامه 


Share:

No comments

Post a Comment

Blog Design Created by pipdig