25 November, 2016

Outdoor Birthday Party ♥︎!






..في ليلة ١٩ نوفمبر دخلت أختي العشرين
الدنيا تمشي بسرعه للحين اتذكر شكلها لما كان يوم ميلادها ل ٦ سنين



المهم اختي حبت تسوي الحفله خارجيه
..مع الأجواء الجميله بتكون فكره حلوه ، فكل التفاصيل كانت من اختيارها
طبعا كانت الحفله سعوديه بأمتياز من الجلسات للضيافه للعشاء حتى كيكه يوم الميلاد
👍🏼 مره مبسوطه من الشيء هذا اننا ندعم بنات وطني بكل فخر


..ببدا اول شي بالجلسه
💜💜💜وش احكي وش اخلي عن الجلسه
بصراحه شي فاق التوقعات ، لما كانت توريني اياها اختي بالانسجرام كانت صغيره فا ماتوقعتها بالحجم والجمال على الطبيعه يعني حرفيها اول ما شفتها فتحت فمي وااو ، اعطت جماال مو طبيعي للمكان وصراحه هي حلت الحفله كللها

اعجبني فيها الاهتمام بالتفاصيل الاضاءه الورود الطاولات حتى لوح الطباشير صراحه بيرفكت
البروجيكتر بعد منها لكن لازم تقولين بالطلب كإضافه وكان اضافه جميله جدا واعطى جو للمكان
الجلسه تكفي ١٥- ٢٠ شخص

@Goodtimes.Events   من الحساب بالانستجرام


نظره أقرب لطاوله القهوه
هي جت بكل التفاصيل الموجوده بس أضفنا القهوه وفناجيلها 


 الحلى كان من محلات الاسر المنتجه اتوقع صايره بكل مكان
كان الحلى منوع بين الميني تشيزكيك والسينابون

قاعده الحلى من سنتربوينت



في الجهه الخلفيه كانت طاوله الضيافه بحيث كل بنت تخدم نفسها
عشان يصير فيه حيويه بالحفله ما تكون رسميه كثير

وطاولات العشاء والطاوله القريبه كانت للكيكه
بوريكم كل طاوله بالتفصيل الحين


أقرب طاوله كانت للكيكه وجانبها افكار سوتها اختي بنفسها كانت مستوحاه من البنتريست
 اليمين ألعاب دومينو ، أونو ولعبه لا تقول
حلو لما يتقسم البنات ويلعبون سوا اعطت حماس وانسجام البنات ببعض
.بحكم ان كان فيه بعض البنات ما يعرفون بعض لكن الالعاب قربتهم اكثر

 اليسار ولان الجو بيصير ابررد بالليل حسبنا حساب هالشي
فا لفينا بطانيات ودخلناها داخل سله وحطينا سبوره طباشير مكتوب عليها عباره لطيفه


 طاولة الضيافه اللي تكلمت عنها كان جزء منها لصنع الشوكلاته الساخنه
حطينا كللل ما يحتاج لها من اضافات وحليب وكل شئ
اضفنا التعليمات كيف تسوين الشوكولاته الساخنه بطريقه حلوه وسهله

لوحات الطباشير من هزاز 



آخر طاوله كانت للعشاء ، هذي الطاوله كانت من محلات الحفلات ما جت مع الجلسه
.. العشاء سعودي بأمتياز كنوع من التغيير ممكن الاغلب يشوفونه غريب لحفله بنات بس صدقوني كانت الفكره حلوه
العشاء كان من الطباخه أم صالح ألذ اكل عندها ماشاء الله كفى الكل وزياده
 جربوا الجريش حقها والشاورما ماتندمو ابد لكن هي تسوي بوفيهات فقط

للأسف ضيعت الانستجرام حقها فبحط لكم الرقم حقها واطلبوا المنيو منها
ام صالح: 0504442881


نجي لأهم شي اللي هي كيكه يوم الميلاد 
  😍تشوفون الجمال كيف 
نفس جمال طعمها، احب اللي يهتمون بالتفاصيل تحسين يسوون الشي بحب 
اختي اختارت بس يكون فيها لون احمر وهي بدعت بباقي التفاصيل 
💜سألت اختي عن المناسبه فاضافت تاغ الهابي بيرثدي من عندها كميه لطافه 

 @Poka_Cake من الحساب بالانستجرام


وبس حاولت اكتب لكم كل التفاصيل 
ان شاء الله انبسطوا مع انه تأخر البوست شويتين 
تعليقاتكم بالمدونه تفرحني 


مع السلامه حبايبي 
Share:

4 comments

  1. حبيت الفكرة وماشاء الله مرتب���� ..... كل سنه وهي طيبه ��ويحقق لها الي تتمناه يارب

    ReplyDelete
  2. supplementing the present fresh, new, brilliant, compositionally planned stores, structures and shopping centers. this

    ReplyDelete
  3. ماشاء الله مرراا حلوه والكيكه اكثر شيء عجبتني بصراحه انقااان

    ReplyDelete

Blog Design Created by pipdig