29 December, 2016

My Favourite Products for 2016 | منتجاتي المفضلة لسنه ٢٠١٦


.. السلام عليكم 



تدوينه اليوم بالتعاون مع مجموعه بلوجرز كل وحده تكتب عن المنتجات المفضله لها في ٢٠١٦
💕 بحط لكم رابط مدوناتهم شوفوا ايش حبوا ممكن تفيدكم 
2mavensisters
Almaha_Beauty_
almaya_sisters
irahaf_alg
makeup.mania.blog
noufinista
HEYITSZEEA
TheNooNBeauty
xjayfabulousx
nms_fashion
lamirbeauty

او من هاشتاق على الانستجرام
مفضلات ـ بلوقرز ـ ٢٠١٦#


بالنسبه لي حبيت أختار من كل فئه شي واحد يكون هو الافضل منهم
...مثلا افضل فاونديشين وافضل بلشر وهكذا 


Make-up

ببدأ اول شي بالفاونديشين اللي هو 
Givenchy Teint Couture Foundation

كتبت تدوينه عنه كامله لو حابه تشوفينها من هنا 
حبيت فيه انه تغطيته من متوسطه لعاليه ومهما بنيتي طبقات منه ما يبان او يتكتل 
يعتبر افضل فاونديشين جربته ومرتاحه عليه 



Urban Decay Naked Concealer أفضل كونسيلر 
Lura Mercier Translucent Loose Setting Powder وأفضل باودر 


اقدر اقول السنه هذي اكثر سنه جربت فيها كونسيلرز 
احترت صراحه ايش اختار لاني كنت احب اكثر من واحد 
لكن رسيت على نيكد كونسيلر لسبب واحد ميزه عن غيره
حبيته لأن تغطيته فل طبيعيه ، تجي ايام مالي خلف احط فاونديشين ف اوزعه بشكل سريع 
وادمجه يعطي شكل حلو وطبيعي وغير كذا ما قد خطط معاي ثباته جيد 
-
البودره اللي ما استغني عنها ولو شفتي فيديو منتجات خلصتها بتعرفين 
😂💖 انه شريت ثانيه قبل ما تخلص الأولى لاني احبها من جد 
وضيفتها تثبت الكونسبر تحت العين وتعطي تنوير 
ممكن بعد تحت الكونتور تعطي لوك نظيف 




MAC Soft and Gentle أفضل إضاءه 


في ٢٠١٦ ما جربت كثير إضاءات اكتفيت بكم وحده عندي من أول 
اخترت سوف أند جنتل كأفضل إضاءه لانها تناسب الكل ولكل المناسبات الا الصباحيه 
تعطي قلو جمييل وبشكل اقدر اقول عنه ناعم لكن واضح
طريقتي في اني اوضح الاضاءه ابخ من الفكس بلس على وجهي اقعد لين قبل ما ينشف بشوي 
وبعدين احط الاضاءه تصير واضحه وقويه بشكل حلو
لا تحطين وهو لسى رطب راح يطبع وصعب الدمج
-
احب احطها بفرشه ريل تكنيك تشيل الاضاءه صح وتوزعها بشكل حلو




NYX Highlight & Contour Pro Palette أفضل كونتور وهايلايت
Benefit Dandelion أفضل بلاشر


باليت الكونتور من نيكس يعتبر البديل الأرخص لانستازيا
حرفيا وقعت بغرام الباليت من ناحيه الجوده ووضوح اللون ممتاز ججدا
(احب استخدم الاضاءه الصفراء لتحت العين (ثاني وحده تحت
تعطي لوك صحي ونظاره للوجه ..بالنسبه للكونتور استخدم اللونين اللي بالنص سوا
اما اللي بالاطراف غامقه علي ومايله للبرتقالي استخدمها احيانا كا شادو
دمجها سهل جدا وحابتها كثير
ـ
 البلشر من بينفيت  كنت مهمشته
😂 لكن جاء يوم وحطيت منه قلت بشوف حرام يكون زينه بس
ومن يومها ما صرت احط غيره .. لونه جميييل
ابدا مو زهري قوي بالعكس كأنه توريد طبيعي للوجنات
احبه للصباح


 Morphe Palette 35W أفضل ظلال للعين


😅 حاولت ارتب الباليت قد ما اقدر بس معدوومه
الباليت فيه ألوان الطبيعيه و غامقه وألوان انتقاليه و شيمريه وشوي قليتر
أعتبر هذا الباليت شاامل لكل شي أغناني عن كثير باليتس
وضوح اللون فيها جيد وسهل الدمج




زويفا من أفضل الفرش اللي جربتهم ملمسها ناااعم وسهله الدمج
Detail Shader 237 \ Luxe Petit Crease 231 أكثر فرشتين حبيتها من زويفا
اليمين جميييله لتحت العين أول احوس بالدمج تحت العين واستخدم
اكثر من فرشه لكن هذي حلوه بوضع الشادو ودمجه
اليسار فرشه دمج على عظمه العين الحلو فيها انها تدمج بنفس المكان
بدون ما تطلع الشادو لبرى


MAC Twig أفضل روج
Lolita II Kat Von D أفضل روج سائل


الأرواج عندي كثيره ف احترت ايش اختار فقررت اني اختار اثنين من أنواع مختلفه
  تويق من ماك كان من مفضلاتي لأرواج الشتاء فما بتكلم عنه كثير من هنا
-
كات فون دي من افضل الارواج السائله اللي جربتها
من ناحيه وضوح اللون ممتاز،الثبات ممتازه وخفيف على الشفاه ما تحسين بشي
😅 حبيت لون لوليتا ٢ بين البرتقالي والبني على مشمشي
كان اللون اول مره اجربه لكن حبيته مره ينفع مع أكثر من لوك ومناسب للشاء والصيف




Hypnotic Poison ,Dior أفضل عطر


سنه ٢٠١٦ ما جربت كثير عطور لاني احب تكون ريحتي وحده
هذا العطر اكثر شي حبيته ريحته أنثويه جدا
تكلمت عنه في مشترياتي من ماليزيا
من هنا 

-

Skin care


بالنسبه للعنايه بالبشره جربت كثثير أنواع السنه هذي بحكم اني اعالج بشرتي بالروكتان 
بشرتي اصلا دهنيه بعد العلاج صارت جافه فبدلت كل اشيائي إلى ترطيب أكثر 

QV Lip Balm من اليمين
 
مرطب عميق للشفايف يصلح لوضعي حالياً
لان مع الروكتان صارت تنشف كثير شفايفي 
.حبيته لانه يدون لوقت طويل فمريحني لكن ريحته شينه شوي 


QV cream 

من نفس البراند لكن للوجه افضل افضل مرطب جربته 
استخدم نقطه منه يكفي وجهي كله يرطب بعمق ويضل لفتره طويله 
اذا قمت الصباح احس فيه لسى 
.راح اشتري منه اذا خلص 


Argan Oil

زيت الارغان العضوي من اي هيرب 
 ما قد استخدمت زيت في الترطيب لكن كنت احتاج ترطيب قوي 
احيانا بروتيني الليلي احط نقطه منه من كريم كيو في يعطي ترطيب مره حلو 
حبيت فيه انه يخفي ملامح التعب في اليوم الثاني 
.وريحته حلوه


cetaphil Moisturizing Cream

كريم سيتافيل المرطب للجسم 
حبيت فيه تركيبته الناعمه على الجلد وسرعه امتصاصه 
كريم طبي مالها رائحه يناسب كل البشرات 
.يخلي البشره ناعمه ولمده طويله 


GlamGlow POWERMUD™ Dualcleanse Treatment

الماسك الأخضر من قلام قلو تكلمت عنه كثر 

يعطي نضاره للبشره وشكل صحي فقط 
يعني ما يعالج البشره او شي ثاني فقط قلو للبشره 
ينفع قبل المناسبات و مره بالاسبوع 





وبس كانت هذي مفضلاتي لسنه ٢٠١٦
ان شاء استفدتوا منها ولو شوي


💕💕احبكم 
Share:

1 comment

  1. حبيت المنتجات .. حمستيني اجرب ماسك قلام قلو و باليت مورفي

    ReplyDelete

Blog Design Created by pipdig