23 January, 2017

Argan Oil | زيت الأركان العضوي واستعمالاتي المتعدده له




...السلام عليكم .. تدوينه اليوم عن تجاربي مع زيت الأركان او الأرغان
زيت الاركان يسمونه الذهب السائل لكثره فوائده يستخرج من لوز شجره الاركان بالمغرب
، وله نوعين نوع خاص بالطعام ما جربته ابدا ونوع خاص للتجميل اللي بتكلم عنه اليوم
.بشكل كبير وبعض من الدهون الاساسيه المفيده E زيت الاركان التجميلي يحتوي على فيتامين
.فوائده لجميع انواع البشره ولجفاف الشعر والجلد 


:وصف المنتج

١٠٠٪  زيت الاركان العضوي
 59ml علبه قزاز بسعه
لها أنبوب او قطاره حبيت هذا الشي عشان لا ينكب الزيت او ينزل اكثر من الحاجه منه
شريته من موقع اي هيرب من هنا
سعر المنتج ٤٥ ريال




: إستعمالاتي له

 ١/ الشعر

. اول شي انا شعري ويفي ناعم يتشبك احيانا واكثر شي ينشف فيه الاطراف
: جربت فيه طريقتين 

الأولى اني احطه بشعري نفس اي زيت ثاني وخليته ساعه تقريبا
مره خلطته مع زيت جوز الهند لكن ما حبيت النتيجه سيح شعري مرره صار كأنه مدهن
. ف ما حبيت اني احطه مع زيوت ثانيه لانه مفعولها بيكون اقوى
.ومره لحاله طلع حلو اعطى لشعري لمعان صحي وسهل لي عمليه التمشيط فكك تشابك شعري وهذا اكثر شي حبيته


الثانيه واللي حبيتها اكثر انه بعد ما اطلع من الشاور ويكون شعري مبلل لسى احط نقطه او نقطتين بيدي
وأوزعها بأطراف شعري تغذي اطراف الشعر وتحميه من الجفاف وغير كذا تخلي ريحه الشعر حلوه
.والباقي بيدي امرره على البيبي هير عشان تهدا شوي



   ٢الوجه

بشرتي اول كانت دهنيه ف ماكنت افضل احط زيت للترطيب لبشرتي لانه راح يطلع لي حبوب
...بس بما انه حالياً استخدم روكتان انقلبت بشرتي إلى جافه جدددا

:فاستخدمت طريقتين للوجه 

الأولى اني استخدمه لحاله ، حطيته نقطه او ثنتين بس لحاله على وجهي قبل ما انام
 .حبيت كيف كان النتيجه سريعه وواضحه ثاني يوم خفف ملامح التعب بالوجه واعطاه إشراقه وخفف من الجفاف


الثانيه بعد فتره صارت بشرتي تنشف بشكل كبير فصرت اخلط زيت الأركان بكريم الترطيب
  واحط معاه قطره لقطرتين زيت اركان واوزعه على وجهي QV استخدم انا
وانام فيه .. استخدم هذي الطريقه لروتيني الليلي فقط ، حبيت انه اعطى لوجهي الترطيب اللي احتاجه ويعطي اشراقه زي   ماقلت وهي اللي للحين مستمره عليه


.اللي لاحظته انه مو زيت علاجي لعيوب البشره لكن ترطيب ويعطي بشره صحيه*



٣/ الأظافير

استخدم زيت الاركان في روتيني الليلي بعد، احط على كل ظفر نقطه وابدا اسوي له مساج خفيف
 بحيث اني اغطي الظفر كله والجلد اللي حوله وانام فيه
صار لي يمكن اربع شهور عليه لاحظت ان اظافيري صايره أقوى وأطول وفيها لمعه طبيعيه
.واحلى شي انه الجلد الجاف اللي حول الاظافير اقدر اقول اختفى

ـــــ


:هل أنصح فيه
 نعم ! الزيت مفيد لكل شي شعر بشره وأظافير يعني من النوع اللي اذا شريتيه راح تستفيدين منه
.وغير نظرتي للترطيب الزيتي انه اسهل ومفيد اكثر لانه طبيعي
شخصياً حبيته للشعر بالطريقه الثانيه ومع كريم الترطيب وللأظافير
.بالنهايه حبيت اعطي نفسي وقت لتجربه المنتج عشان اشوف نتيجته من كل النواحي


شاركيني رأيك في حال جربتيه
 💜و مع السلامة

Share:

3 comments

  1. ريفيو جميل
    سبق وجربت زيت الارقان للشعر والبشرة
    مرره حلو وشفت تحسن كبير الشعر لمعه ورطوبة والبشرة نظاره وتوحيد لون البشرة
    يعطيك العافيه حبيبي

    ReplyDelete

Blog Design Created by pipdig