01 January, 2017

إنجازاتي البسيطه في ٢٠١٦ ♥ ، انا مستعدة لـ٢٠١٧



 تدوينه اليوم اعتبرها شخصيه ومجرد فضفضه 



سنه ٢٠١٦ اعتبرها اول سنه أحس فيها بالإنجاز والارضاء الذاتي
حسيت اني حققت اول خطوه لمراحل كثييره اطمح لها وان شاء الله تصير

في ٢٠١٥ حضرت كثير دورات لناس مبدعه وتتكلم عن نجاحها وإنجازاتها من الطبيعي اني اتحمس معاهم
لكن للأسف هذا اثر فيني بشكل سلبي صرت احس اني بدون فائدة بالحياة ومالي هدف محدد
جلست مع نفسي كيف اقدر اثبت نفسي بشي انا احبه وارضي نفسي واحس بالنجاح
من اللحظة هذي قررت اصير يوتيوبر وكان هو هدفي الوحيد للسنه ٢٠١٦
لكن ما كنت عارفه كيف ابدأ او من وين بالضبط
قعدت شهرين من ٢٠١٦ افكر كيف ابدأ ، قرروا اهلي في مارش نسافر لماليزيا
فأخذت لنفسي من هنا البداية شريت كاميرا فلوق جديده وتحمست شوي وشريت حامل للكاميرا وعاكس انا كذا جاهزة لليوتيوب.



 اول فيديو لي في ٢٠ مارش  فلوق



بديت اصور فلوق من مطار الرياض لكن كنت مررره مستحيه ارفع الكاميرا
فأقدر أقول اني صرت أجرء في ٢٠١٦ وكسرت حاجز الخجل فيني صرت اصور فلوق بالرياض ولا علي من احد😂

اول الأشهر لي كانت مشاهداتي ما تتعدا ١٥
اللي هي كلها انا واهلي بس، لكن ما كنت اتحطم لان كنت متمسكة بحلمي واصور وانزل وادري ان محد يشوف
الا انا واهلي لكن كنت ملتزمة بالأوقات كنت احس اني انجز اسوي شيء اقدر عليه واحبه 
صحيح ما كملت سنه باليوتيوب لكن احس اني وصلت لأرقام ما كنت احلم فيها
او ما كنت احلم اني أوصل لها بأول سنه

نصيحه الاشياء الجميله تاخذ وقت
..



هذا الفيديو بالنسبة لي غير مجرى القناه كنت مخططه ما أتكلم ابدا
لأني كنت أخاف من الانتقاد اول التعليقات السلبية واحس اني مقدر اتحملها لكن هنا كسرت حاجز الخوف
وصورت اول فيديو لي بصوتي ومن هنا كثرت المشاهدات عندي الحمدلله


أكتوبر شهر الانجازات البسيطة

حققت في أكتوبر ٩٩٩ مشاهده على احد فيديوهاتي
جاني اكثر من ١٠٠ مشترك بالقناة


٤ نوفمبر

صار عندي ١٠٠٠ مشترك بالقناة


١٧ ديسمبر

حققت ١٠٠٠ مشاهده في أربع ساعات


٢٢ ديسمبر

١٠٠.٠٠٠ مشاهده على قناتي


٣١ ديسمبر

٦.٤٣٧ مشترك بالقناة
.الرقم كان لي حلم مستحيل يصير بأول سنه لكن الحمدلله


الحمدلله على اللي وصلت له إلى الان .. اليوتيوب كان اهم اهدافي لسنه ٢٠١٦ وقدرت احقق إنجازات عظيه بالنسبة لي
.طورت من نفسي كثير وخسرت مبالغ كثير لكن انا راضيه تمام الرضى على المستوى حقي
تعلمت كثير اشياء وتعرفت على ناس اطيب منهم مافي ،
طبعا الداعم الدائم لي هو ماما حبيبتي الله يخليها لي  وما انسى اخواتي بعد
💕وشكرا من القلب لكم لدعمكم وحبكم لي

 انا مستعدة لـ٢٠١٧

New year, New Dream 💜




راح اطور نفسي اكثر من جميع النواحي هذي البدايه فقط وبكمل بإذن الله
بأهتم لقناتي اكثر بسوي مفضلات شهريه
أفكر اسوي فيديوهات تلخيص كتب بين فتره وفتره عشان اتحمس اقراء واخلص الكتب اللي عندي

راح تكون سنه التخرج ان شاء الله
بتفرغ لمشروعي اللي متحمسة ابدا فيه 


راح أكون أقوى وسعيدة وايجابيه

Xoxo 💜
Share:

2 comments

  1. مررررررااااا كلامك وصل لقلبي انا كمان بديت 2016 والسنه هذي بتكون انجازات كبيره ان شالله

    ReplyDelete
    Replies
    1. ان شاء الله سنه سعيده للكل 💖

      Delete

Blog Design Created by pipdig