04 February, 2017

DIY دللي نفسك : ماسك للشعر ، مقشر للجسم



السلام عليكم 
حبيت إني انزل فيديو اليوم قبل الدوامات عشان يمديك تدلعين نفسك لآخر لحظه بالإجازه
ف بشارككم ماسك للشعر ومقشر للجسم كلهم سهلات وطبيعيه 


ماسك الشعر بالأفوكادو والعسل 

اللي نحتاجه
نص حبه أفوكادو -
ملعقتين زيت زيتون -
ملعقتين عسل -

طبعا المقدار يختلف حسب طول شعرك وكثافته ، انا شعري قصير الى الكتف تقريبا وكفاني
والزيت بعد اختاري اللي حابته مو شرط زيت الزيتون

بعد ما نحطه على الشعر نخليه ٢٠ دقيقه وخطيه بكيس بلاستيكي الخاص بالشعر 
(مثل هذي (الصوره من قوقل


ما يتنفع تحتفظين فيه لمده طويله ممكن يخرب الافوكادو
الخليط مع بعضه بيعطي لمعان صحي للشعر ونعومه حلوه يخفف من تطاير البيبي هير 
.وترطيب عميق للشعر 





مقشر الجسم بالليمون والعسل 

اللي نحتاجه 
كوب سكر -
٣ ملاعق عسل -
٣ ملاعق زيت جوز الهند -
٢ ملعقتين عصير الليمون -
٥ قطرات من زيت الليمون العطري -


تقدرين تحتفظين بالمقشر لمده شهر تقريبا بس لازم تحطينه في علبه مسكره كويس عشان لا يدخله ماء
.ويخرب المقشر عليك 

السكر راح يقشر الجلد ويشيل الجلد الميت والقشور 
وزيت جوز الهند والعسل لترطيب البشره ولمعانها ، الليمون يعمل على تفتيح خفيف للبشره مره حلو وطبيعي


لو حابه تشوفين الفيديو من هنا 
ولا تنسين الاشتراك بالقناه


Share:

No comments

Post a Comment

Blog Design Created by pipdig