09 March, 2017

Omega 3 | تجربتي مع حبوب الأوميقا ٣


😅واضح انه شكل سمكه ؟ 


..السلام عليكم
بالفتره الماضيه جربت حبوب الأوميقا ٣ كمكمل غذائي
والغرض من المكملات الغذائيه من اسمها تكمل الجسم بالفيتامينات اللازمه
الأوميقا عباره عن زيت السمك ومن أهم مصادرها السيلمون والتونه وزيت الزيتون والزبيب وغيرها 
.تنفع للكل وللحامل بالأخص لانها تعزز من القدره العقليه للجنين 
قبل ما احكي تجربتي بتكلم عن فوائد الأوميقا بشكل عام عشان توضح لكم الصوره



فوائد الأوميقا3


فيه عباره قريتها عن الاوميقا بأنها تحسن من قدرات الجسم بكل شئ
 لو كنتي مهتمه ابحثي بقوقل عن فوائدها بشكل عام
:من فوائها للشعر والبشره
١-يساعد على تجديد أنسجه وخلايا البشره
٢-يقاوم من ظهور حبوب الشباب
٣-يساعد على ترطيب البشره
٥-يمنع جفاف فروه الشعر
٦-يحارب القشره
٧-ينشط الدوره الدمويه في الرأس

حسيتوها شي خرافي صح  ؟ 


تجربتي الشخصيه 


من خلال استخدامي لها لاحظت بعض التغيرات حصلت للشعر والاظافير
بالنسبه للشعر لاحظت انه خف التساقط وطلع لي بيبي هير 
مره كنت مبسوطه فيه صراحه 😂 

للأظافير صارت قويه بنسبه كبييره وصارت تطول بشكل سريع
وفيها لمعه صحيه حسيت الاظافير اكثر شي استفاد من الأوميقا
 بعد ما انتهيت من حبوب الاوميقا بأسبوع انكسر لي اظفرين بوقت واحد
هنا حسيت كيف كانت الاوميقا حاميه اظافري ومقويتها لي 




هل زاد وزني ؟


لا ابداً وزني زي ما هو
قريت انها تحرق سعرات اكثر لكن ما حسيت ان وزني نقص او زاد 

.

واللي لاحظته بعد انها مفيده جدا لوقت الدوره الشهريه
تخفف من الآلام وتساعد في نزول الدوره بشكل منتظم
ما تدرون قد ايش كانت تريح ، لان  زيت الاوميقا بشكل عام مفيد للمرأه وخصوصا بالاوقات هذي
لو ما عندك الحبوب حاولي تكثرين من السيلمون والتونه بوقت الدوره لانها جدا مفيده


عيوبها


 حجم الحبه كبير جدا ممكن الاغلب ما يتقبله -
وانا احيانا اواجه صعوبه في بلعها اذا صارت بالعرض 

تجيب غثيان خفيييف بعد البلع لكن سرعان ما يختفي -


هل أنصح فيها ؟

انصح فيها نعم وبقوه للبنات خاصه ، مفيده لكل شي فعلياً



..
بالنهايه حبيت انه التدوينه تكون خفيفه عشان الكل يستفيد
لو لك تجارب مع مكملات غذائيه شاركينا التجربه في الكومينت او على الانستجرام
@Gegeslife



Share:

No comments

Post a Comment

Blog Design Created by pipdig