07 June, 2017

مزيل المكياج من غارنييه منظف ماء الميسيلار + منظف غني بالزيت



.. السلام عليكم


من زمان ما نزلت موضوع بالمدونه ، أعتذر كنت أمر بفتره إختبارات 
ودخل رمضان وأنشغلت بفيديوات #سلسله_رمضان

موضوع اليوم عن مزيلات المكياج من غارنييه بماء الميسيلار + الغني بالزيت
بالبدايه انا كنت استخدم النوع العادي ( الوردي) لكن وحده من متابعاتي بالسناب 
حكت لي عن الغني بالزيت وأنه افضل من النوع العادي فحبيت إني اجربه 
..واكتب لكم تجربتي مع الإثنين وهل هم نفس بعض أو لا 


النوع الأول

منظف مائي مزيل المكياج 



: وصف المنتج 
مزيل مكياج الغني بماء الميسيلار خالي من الحكول و العطور وأيضاً خالي من البارابين
يناسب كل البشرات حتى الحساسه منها ، ينظف ويزيل مكياج  العين والوجه والشفاه 
يعني بإختصار لكل شي ، مخصص للمكياج اليومي أو الخفيف
اللي بالصوره الحجم الكبير ٤٠٠ مل ، كثيييير صار فيه مقارنات مع مزيل مكياج  بايوديرما 
.وفعلاً انا اشوف انه بديل أرخص منه


:تجربتي الشخصيه
Empty Products سبق وتكملت عنه في فيديو
حبيته للوجه خفيف ويمسح بسرعه طبعاً هو مخصص للمكياج اليومي زي ما قلت
لكن ماحبيته لمكياج العين كان يبقي أثر المسكرا ما يمسحها زين
 .ما سبب لي أي حساسيه للوجه أو العين لكن كنت أحس بجفاف في وجهي بعد استخدامه

-


النوع الثاني

ماء ميسيلار منظف غني بالزيت



:وصف المنتج
مزيل مكياج الغني بماء الميسيلار وزيت الأرغان وطبعاً معروف فوائد زيت الأرغان للبشره
وسبق وتكلمت عنه بموضوع كامل من هنا، لازم رجع العبوه زين قبل الإستخدام
 هذا المزيل أيضاً يناسب كل البشرات والحساسه منها ، ينظف ويزيل كل أنواع المكياج
.ومخصص للمكياج الثقيل وضد الماء 
اللي بالصوره أيضاً الحجم الكبير ٤٠٠ مل لكن أغلى من العادي

:تجربتي الشخصيه
ملمسه على البشره لطيف وخفيف بالرغم من نصف تركيبته زيتيه إلا انه ماكان يعطي احساس الدهني على البشره
ممتاز جداً في إزاله المكياج الثقيل وبعد صمغ الرموش كان يروح ببساطه 
خلي القطنه على عينك لمده ثواني بس واسحبي القطنه وكل شي بيروح معاها 
لكن الشي المزعج فيه انه يسبب إحمرار لعيني وجفاف
ف لازم تنتبهين انه ما يدخل العين ، غير كذا جميل جداً


 في كل المنتجين مكتوب لا يغسل يعني بس تشيلين المكياح وخلاص
وطبعاً اشوف هذا الشئ مره غلط لازم بعد إزاله المكياج 
تستخدمين الغسول الخاص فيك وبعدها الترطيب 


نجي لأهم جزء أيهم أفضل ؟

صراحه ما شفت فيهم فرق كبيير احسهم مثل بعض لكن 
يختلفون بمميزات بسيطه ، يعني لو بشتري ثاني ما راح يفرق معاي بختار أي نوع

-

💜 ومع السلامه


Share:

No comments

Post a Comment

Blog Design Created by pipdig